По Заев, утре ќе се вакцинира Филипче

По јавната вакцинација на премиерот Зоран Заев, Министерството за здравство соопшти дека утре на пладне ќе се вакцинира министерот за здравство, Венко Филипче.

-Министерот за здравство д-р Венко Филипче утре петок (07.05.2021) во 12:00 часот, на вакциналниот пункт во А1 СЦ Борис Трајковски ќе се вакцинира против Ковид 19. Заинтересираните медиуми да бидат пред Спортскиот центар најдоцна до 11:40 часот. По вакцинацијата предвидено е министерот Филипче да даде изјава за медиумите, соопшти МЗ, но не објавија со која вакцина ќе се вакцинира Филипче.

Денеска се вакцинираше премиерот Заев со кинеската вакцина „Синофарм“.