Пировска: Ставот на академик Ќулавкова можеше да доведе до разгорување на националистичките страсти

Статусот на академик Катица Ќулавкова на нејзиниот Твитер налог предизвика бура реакции во нашата земја.

По таквата ситуација таа ги затвори профилите на социјалните мрежи Твитер и Фејсбук, а Хелсиншки комитет поднесе пријава против Ќулавкова.

„Фактот дека е академик е уште поголема причина ние да поднесеме пријава. Судот во Стразбур наведува дека јавните личности имаат уште поголема одговорност околу ваквите изјави. Ставот на академик Ќулавкова на Твитер можеше да доведе до разгорување на националистичките страсти што е многу опасно за земја како што е Македонија“, изјави во Утрински брифинг, извршната директорка на Хелсиншкиот комитет за човекови права, Уранија Пировска.