Славјанка Петровска – актуелната министерка за одбрана на денешното рочиште против пратеникот на ВМРО-ДПМНЕ, Драган Ковачки рече дека доказите кои ги презентирала денеска пред судот во рамките на подготвителните рочишта се најголемите докази коишто ја потврдуваат вистината којашто таа ја зборува.
„Оскудните т.н докази да не речам `рекла-казала` докази кои ги презентираше тужената страна, покажуваат навистина за каква несериозност пристапиле кон сето ова, и дека единствената цел, како што кажа мојот адвокат, била да се наруши мојата чест и мојот углед, и да се попречам во извршувањето на мојата работа. Јас кажав дека ќе бидам крајно транспарентна, и дека нема да спречам никој што сака да се заинтересира за овој случај, да го следи случајот, и тоа го направивме денеска. Доказите ќе ги доставиме до судот, следува и второ подготвително рочиште, и уверена сум дека судот ќе ја види вистината. Сите оние шпекулации за наводно бришење на податоци од Катастар итн, се само дополнителна замка во којашто тужениот сам влегува, меѓутоа тоа го оставам на неговата совест којашто е очигледно каква е во овој случај. На моја страна е вистината и таа ќе излезе на виделина“ – кажа Петровска.
Таа додаде дека започнато е и барање на штета, меѓутоа ќе следува и барање за јавно извинување на прес – конференција на начин на кој Ковачки, како што додаде министерката, го искажал лажното клеветење кон неа.
„610.000 денари е формата, не значително меѓутоа таа сума на пари ако биде пресудена ќе биде донирана во добротворни цели. Немам намера да задржам пари од нечесни луѓе“ рече Петровска.