Петков: Не постои македонско малцинство и за тоа не може ни да се зборува

Бугарскиот премиер Кирил Петков одговарајќи на новинарско прашање дали бугарската влада разговарала со амбасадатата на САД во однос на македонското малцинство во Бугарија рече дека никогаш тој или владата немаат разговарано со амбасадата на САД во Бугарија за признавање на т.н. македонско малцинство во земјата.

-Нема такво малцинство и за такво малцинство дури не може да се зборува, вели Петков.

Тој го потврди инсистирањето и условувањето на бугарската страна, бугарското малцинство во Македонија да влезе во Уставот на земјата, додавајќи дека никогаш не навел точен рок за решение на спорот.