Перински кон Арсовска: Да не си играме со паушални обвинувања!

Разрешениот директор на Водовод, Златко Перински на денешната прес-конференција тврдеше дека нема причина да го тргнат од функцијата.

Притоа, тој додаде дека сите обвинувања од градоначалничката на Скопје, Данела Арсовска, се паушални.

„Да не си играме со паушални обвинувања, затоа што ова може да го загрози проектот за кој државата добила 72 милиони евра. Зошто сум разрешен? Можеби градоначалничката ќе додаде. Јас апелирам дека ги отфрлам сите обвинувања кои ги прочитав во медиумите“, кажа Перински.