Партиите разговараат за специјалниот обвинител

Работните групи на четирите најголеми политички партии денеска разговараат за изборот на специјален обвинител кој треба да работи на случајот Прислушување.

Како што најави лидерот на СДСМ, Зоран Заев, најверојатно ќе се менува постоечкиот закон за јавно обвинителство. Тој вчера од Тетово рече дека очекува дека законските измени би можеле да се најдат во Сoбрание веќе од понеделник.

Во анексот на договорот од Пржино, пишува дека специјалниот обвинител ќе се избере до 15-ти септември со согласност на четирите политички партии. Разговорите на партиите се затворени за јавноста.