Папата не дозволувал „баци рака“ бидејќи не сакал да шири бактерии

Папата Франциск стана хит на интернет откако се појави видео од Италија на кое тој ја трга раката кога верници се обидуваат да му го бакнат прстенот. По два дена конечно се дозна и причината за неговото вакво однесување. Папата не сакал да шири бактерии, пренесува „devdiscourse“.

– Во прашање беше хигиената – изјавил портпаролот на Ватикан, Алесандро Џизоти.

Снимката од папата како ги трга рацете стана хит на интернет, а беше дел и од неколку комични шоуа во САД.