Микробиологот Никола Пановски кој е и претседател на Комисијата за контрола на антимикробна резистенција на Македонија соопшти дека бројот на реализирани рецепти преку Фондот за здравственото осигурување на азитромицин познат како Сумамед е намален за 48 илјади, на цеификсим, антибиотик познат како „Панцеф“ е намален за 10.000 во декември во однос на ноември 2020 година.
-Бројот на реализирани рецепти преку ФЗОМ на азитромицин (СУМАМЕД) е намален за 48.000, а на цефиксим (ПАНЦЕФ) за 10.000 во декември во однос на ноември 2020. Број на реализирани рецепти на азитромицин: септември 18618, пропишани на 11963 осигуреници, октомври 42414, за 25570 осигуреници, ноември 70115 рец, 41055 осиг и декември 22575 рецепти за 14656 осигуреници. Ништо страшно не се случи со практикување на медицина базирана на докази, напротив, пациентите се заштитени од непотребно давање на антибиотици, од двојни токсични дози на азитромицин. Според пресметките на ФЗОМ, само за декември заштедени се околу 200.000 евра од азитро и цефиксим. Најмалку уште толку останале во џебот на граѓаните кои инаку би ги купиле овие лекови. Благодарност до м-р Кристина Христова и нејзиниот тим од ФЗОМ, до сите колеги и пријатели за поддршката, до Фејсбук, печатените и електронските медиуми. Задоволен сум зошто ова е доказ дека некои крупни работи можат да се постигнат и без помош на МЗ, ЛКМ,МЛД, бројни специјалистички здруженија, на кои им благодарам што иако не помогнаа, не одмогнаа, напиша Пановски на Фејсбук.
Тој претходно предупредуваше на прекумерно непотребно препишување на антибиотици од страна на матичните лекари при лекувањето на пациентите заболени со Ковид-19.