409
Отпуштените професионални војници ќе се вратат на работа, откако власта поднесе закон со кој до февруари идната година треба да им се реши статусот на 140 професионални војници. Тие неколку денови штрајкуваа со глад, при што нивниот штрајк вроди со плод.
– Во него е предвидено вработувањето на овие од прилика 140 професионални војници да заврши најдоцна до крајот на февруари 2016 година. Претходно тие треба да поднесат барање за вработување до Министерството за одбрана, за што краен рок е крајот на месец јануари. Има период од еден месец во кој министерството би имало период да ги испланира и организира работите околу нивното вработување – изјави пратеникот од ВМРО-ДПМНЕ, Емил Димитриев.
