Професорот на Факултетот за правни науки на „ФОН“ и поранешен член на Републичкиот судски совет, Осман Кадриу, во интервју за Стандард вели дека доста рокови без пробиени околу формирањето на Специјалното обвинителство. Неговите очекувања се дека до 15. март би требало да има обвинение за избирачкиот процес.
Постои ли пракса во судството да се одбиваат барањата на притвор на обвинителството, како што се покажа во случајот „Титаник“ во кој се осомничени поранешни високи функционери од владејачката партија?
-Во процесот од Пржино се донесе Закон за специјално обвинителство со одговорност истото да формира предмети за материјалите кои произлегуваат од „бомбите“. За првпат за еден закон гласаа толку голем број на пратеници, што подразбира да има очекување за целосна поддршка за работата на специјалното обвинителство. Но, наместо тоа, гледаме дека има опструкции, сега и во делот предлогот за одредување на мерка притвор во однос на кривично-правните предмети кои произлегуваат од оваа материја. Не се случило кривичниот суд да го одбие барањето за притвор затоа што во 90% од случаите се прифаќаат предлозите за оваа мерка од државното обвинителство. Многу ретко се случува мерката притвор да биде заменета со друга поблага мерка. За кражба на банка, на пример, се одредувала мерка притвор. И кога сум работел како адвокат не помнам да не поминеше барање за притвор, а сега имаме дијаметрално спротивна појава во случајот со специјалното обвинителство: не се одредува притвор за тешки кривични дела за државата и граѓаните кои ги поткопуваат економските темели. Секако, со јасна динстинкција дека сé уште се работи за сомнеж.