Оневозможено или на најниско можно ниво е сведено нелегалното прислушување, вели Спасовски

Се е различно и понапредно после 27 април, државата и институциите, посебно македонската полиција. Во 2017 разговаравме за служба и полиција која ги кочи човековите права и слободи, рече министерот за внатрешни работи, Оливер Спасовски во изјава по повод 5 години од настаните на 27-ми април во Собранието.

„Денес имаме целосна реформирана полициска структура, посебна служба како Агенцијата за национална безбедност. Формирана е посебна Оперативно техничка агенција, со што е оневозможено или е сведена на најниско можно ниво можноста за какво било нелегално прислушување“, вели Спасовски.