Одложено судењето за сообраќајката кај Католичка црква

by Фокус 09:50
09:50

Во Основниот суд Скопје 1 денеска почна судењето за сообраќајната несреќа што се случи лани, на 15 ноември, кај Католичка црква, а во која почина 16-годишниот Иван Белински. Обвинетиот, 20-годишниот Џенис М. седна на обвинителна клупа, но судењето набрзо се одложи бидејќи во судот не се појавија двајца сведоци, а исто така беше соопштено дека вештачењето се уште не е готово.

„Обвинетиот со предниот дел од возилото удрил во телото на пешак кој, заедно со уште двајца пешаци, на обележан пешачки премин го поминувале коловозот. Како резултат на ударот и падот на пешакот на коловозот, пешакот се здобил со тешки телесни повреди што довеле до развивање на трауматски шок, пореметување и престанок на функцијата на важни витални органи, што сето заедно резултирало со смртен исход во 19.25 часот“, се вели во обвинителниот акт.

- Advertising -

На судењето ќе треба да се утврдат сите детали за несреќата, како и да се посочи чиј бил џипот „фолксваген туарег“ кој критичната вечер го возел младиот возач, бидејќи истрагата потврди дека возилото не било негово, ниту пак на неговата фамилија.

Поврзани новости