Од денеска ќе паузира челичарницата на „Макстил“

by Фокус 11:22
11:22

„Макстил’ од денеска го прекинува производството во погонот Челичарница се до ставањето во целосна функција на новата филтерска постројка, информираат од компанијата.

„Во престојниот период ноември 2014 – јануари 2015 следува завршната фаза од реализацијата на проектот нова филтерска постројка. Таа опфаќа монтажа и поврзување на новата постројка со постоечките инсталации. Од средината на декември 2014 до средината на јануари 2015 следуваат ладни и топли проби, по што погонот Челичарница повторно ќе биде активиран, а ќе работи по најстрогите европски норми за емисии на издувни гасови во амбиенталниот воздух. Производството во погонот Валавница, односно испораката на лимови и задоволувањето на нашите обврски спрема купувачите, ќе продолжи непречено со полуфабрикат (челични слабови) набавени од увоз“, се вели во денешното соопштение на „Макстил“.

- Advertisements -

Од компанијата пратија фотографии на кои се гледа дека Челичарницата не работи.

filter stanica makstil 29 10 2014_0003

Поврзани новости