Организаторите на протестот за случајот „Монструм“ побараа обвинителката Фатиме Фетаи да биде разрешена, откако неодамна на повтореното судење за случајот за тројца од обвинетите побара доживотни казни затвор, за двајца долгогодишни казни, а за еден обвинет побара ослободителна пресуда.
Бедри Ајдари, роднина на еден од обвинетите во Монструм, одржа говор, во кој побара слобода за обвинетите, рече дека тие не се терористи и не се сторители на делото.
-Жалиме за убиените, сочувствуваме со семејствата, но треба да се откријат вистинските злосторници, рече тој, додавајќи дека обвинителката не предложила нови докази.
За време на протестот постојано се извикуваше УЧК, но и навредливи зборови за обвинителката Фетаи.
Ајдари рече дека ќе бидат известени амбасадите на САД и ЕУ и побара меѓународен мониторинг на судскиот процес и негово враќање на ново разгледување и судење.