Нуланд: Прво решение на политичката криза, па крај на спорот со Грција!

by Фокус

Американскиот помошник државен секретар Викторија Нуланд во јавен повик до политичките лидери во Македонијапобара крај на политичката криза.

„Лидерите треба да ја искористат можноста која се нуди и да го спроведат договорот за нормализирање на политичката состојба на еврокомесарот Јоханес Хан“ рече Нуланд на форум во Дубровник.

Нуланд,во Македонија доаѓа во понеделник, при што ќе има средби и со Груевски и со Заев.

Македонските лидери, по решавањето на политичката криза, треба да се насочат кон решавање на спорот со Грција за да се отвори македонската евро-атланска перспектива, смета Нуланд,

– Нашата порака до Македонија е еднакво цврста. Пред вас е голема можност за единство и просперитет. Пред вас е членство во НАТО и во Европската Унија. Но, големите политички партии мора да престанат да се расправаат и да појдат по патот на демократски реформи кој Еврокомесарот Јоханес Хан го подготви со поддршка од Соединетите Американски Држави, а потоа да се фокусираат на решавање на спорот за името со Грција. Немојте да ja пропуштите овaa можност, изјави Нуланд во своето обраќање во Дубровник.

Поврзани новости