Нуланд и Груевски разговараат, демонстрантите извикуваат „оставка“!

Нуланд во моментов е на средба со премиерот Никола Груевски во Владата на РМ. Во истовреме поголема група демонстранти со пароли, знамиња и извици, бараат оставка од премиерот Никола Груевски.

Демонстрантите на оградата пред Влада имаат поставено транспаренти на англиски јазик на кои пишува „Нема правда, нема мир, „Нема компромис со криминалот и корупцијата“, „Слобода и демократија“. Нуланд претходно се сретна со Ахмети.

Се очекува засилен притисок за решавање на кризата, но исходот е крајно неизвесен.

Оваа посета на Нуланд доаѓа во рамки на нејзината балканска турнеја, една година откако престојуваше во Македонија.

фото А1он