НСДП: Груевски не може да се спаси преку избори што сам ќе ги организира

by Фокус 15:49
15:49

Истрошени и депласирани се било какви тези или изјави кои алудираат на граѓаните како извор на легитимитетот на власта од човекот кој успеа за девет години да ги погази сите вредности, принципи и норми што значеа деморкатија, граѓанска и политичка култура или слобода.

Вака денеска реагираат од опозицискиот НСДП, откако премиерот Никола Груевски изјави дека народот е тој што ја составува владата, како одговор на барањата на опозицијата да се формира преодна влада, која ќе ја има поддршката од сите релевантни политички партии.

- Advertisements -

„Груевски треба да разбере дека повеќе не може да си прави лични и фамилијарни планови за плитички спас преку избори кои би биле организирани од него и неговата политичко-коруптивна клика. Само неговата лична оставка и оствака на целата Влада може да биде системска увертира за спроведување на избори кои отуѓениот суверенитет ќе го вратат во рацете на граѓаните и ќе ги постават деморкатските темели на идната власт. Се друго е само политичка калкулација на очаен политичар кој се обидува да се спаси од бродот што веќе потона“, соопштија новите социјалдемократи предводени од Тито Петковски.

Поврзани новости