Голем број на музичари од земјава ќе ги забавуваат присутните за време на дочекот на Новата година на градскиот плоштад во Охрид.
Листата со настапувачи веќе е објавена, а организирана забава ќе има и наредните денови, односно на први и втори јануари.
За новогодишниот дочек на сцената ќе се појават Верица Ристеска, Ѓоко Танески, Татијана Стефановска, Камелеон, Урбан Планет, Бекдор бенд, Ле-трик, Јана Слеј и други.
На први јануари во тек на ден ќе настапуваат локални музичари, а пак на втори јануари ќе настапи Ансамбл Билјана.
Минатиот месец охридскиот градоначалник Кирил Пецаков за ,,Фокус” откри дека за забавната програма и празничното украсување на градот ќе бидат одвоени околу 20.000 евра од буџетот. Тој појасни дека се очекуваат голем број на посетители од земјава, но и од странство.
Вики Клинчарова