Ново раководство на ЛК: Ќе бараме укинување на плаќањето по успешност и да се намали одливот на лекари во странство

by Fokus 15:37
15:37

Ќе бараме укинување на плаќањето по успешност, против кое пред пет години, во 2012 година штрајкуваа околу 1.200 лекари специјалисти, ќе бараме равидирање на „Мој термин“ и еден специјалистички преглед да трае 45 минути, со оглед на тоа што сега е само 15 минути истакнаа од новото раководство на Лекарската комора, предводено од доктор Калина Старделова-Гривчева.

– Да го подобриме статусот на докторите во општеството, со тоа што мора да постои Закон за докторска дејност, а на тој начин ќе го спречиме одливот на лекари од државата. Исто така ќе направиме финасиска ревизија на досегашното работење на комората, како и корекции на Статутот. Законот за здравствена заштита мора да се ревидира, затоа што претставува камен на сопнување – истакна доктор Старделова-Гривчева.

- Advertisements -

Нејзиниот заменик, доктор Илбер Бесими од тетовската Клиничка болница објасни дека според податоците, со кои тие во моментот располагаат, Комората на својата сметка има само 46.000 денари.

– Лекарската комора има земено два кредити, од едниот е купување на новиот простор, кој моментално се издава за 1.800 евра месечно, додека вториот кредит е за изградба на Симулацискиот центар кој чини 240.000 евра. Во моментот, за враќање од едниот кредит остануваат 367.100 денари, додека од вториот кредит 317.000 денари – додава доктор Бесими.

И.М.

Поврзани новости