Ново барање за екстрадиција на Груевски како организатор на „27 април“

Ново барање за екстрадиција на екс премиерот Никола груевски деновиве ќе испрати Министерството за правда до Будимпешта, но сега како обвинет за крвавиот упад во Собранието.

– Целокупното досие од судот и обвинителството ни стигнаа кон крајот на минатата недела, деновиве тоа ќе биде пратено до Будимпешта – изјави министерката за правда, Рената Дескоска.

Министерството и претходно бараше Груевски да биде испорачан како осудено лице во случајот „Тенк“, но Унгарија одби да го екстрадира Груевски кој доби азил таму.

Против Груевски сега е покренато обвинение во кое се товари за организација на 27 април.