Новиот поглавар на ИВЗ е заболен од корона вирус

Вршителот на должноста поглавар на Исламската верска заедница, Шаќир Фетаи е позитивен на новиот корона вирус. Тој оваа информација ја сподели на својот фејсбук профил.

„Грижејќи се за моето семејство, моите соработници, како и сите верници и граѓани, решив да направам тест за ковид 19. За жал, тој излезе позитивен. Во моментов, сè е нормално и нема никакви проблеми, ниту симптоми. Јас се придржувам кон прецизните медицински препораки и сум во домашна изолација“, посочи тој на својот профил на Фејсбук.