Нови 21 заразени од корона вирусот, направени 258 тестирања

Во последните 24 часа направени се 258 тестирања, а регистриран е 21 нов случај на ковид-19, информираат од Министерството за здравство.

– Скопје 12
– Куманово 3
– Штип 1
– Тетово 5

Вкупната бројка на ковид дијагностицирани во нашата земја од почетокот на епидемијата изнесува 1999, бројката на оздравени пациенти е 1439, на починати е 113, а во моментов бројот на активни случаи во земјата изнесува 447.

Досега во земјата се направени вкупно 25528 тестирања на ковид -19. Од вкупниот број направени тестови во изминатото деноноќие, 13 теста се во рамките на скринингот. Тестирањата се направени преку Центрите за јавно здравје во Велес, Кочани, Куманово и Скопје во градинки и геронтолошки установи и не се регистрирани позитивни случаи на ковид-19.