Нотарите успешно се справуваат со извршните предмети

by Фокус 12:45
12:45

Опаѓа бројот на извршените предмети кои ги работат нотарите. Изминатата година овие предмети, кои најчесто се однесуваат на неплатени сметки за комуналии е намален за 40 илјади.

Тоа, според нотарската комора, е доказ за финансиска дисциплина и уредност во исполнување на обврските на граѓаните и фирмите. Ова беше дискутирано на тркалезна маса во Скопје на која учествуваа нотари, извршители, судии и истакнати правници.

- Advertising -

„Во 2014-та се примени 19 илајди оставински предмети од судовите, од кои 70 отсто ги решивме во текот на годината. А против решенијата на нотарите има само 70 приговори. Значи дека квалитетот е на високониво при изготвување на ваквите решенија“ – истакна Зорица Пулејкова од Нотарската комора на РМ.

И гостите од странство позитивно ја оценуваат состојбата со нотаријатот во државата. Според нив, со оглед на економската транзиција низ која минува Македонија, нотаријатот бележи позитивни резултати.

Инаку од 2007-та наваму за пропусти во работењето има тројца правосилно осудени нотари, двајца имале условни казни, а еден парична. Поголем дел од пријавите биле поднесени од граѓани, а помалку од полицијата или обвинителството. Но од вкупно 150 поднесени, дури 125 биле отфрлени.

 

Поврзани новости