Наредната недела ќе стартува иницијативата за собирање на граѓански потписи за укинување на Законот за попис, најави потпретседателот на ВМРО-ДПМНЕ и пратеник Александар Николоски. Тој посочи дека овие денови ќе биде објавен датумот од кога ќе почнат да се собираат потписите за кои рокот е 30 дена. Минималната бројка е 10.000 потписи, меѓутоа тој додаде дека очекува дека бројката да достигне 100.000.
-Има јасен политички договор за пописот. Тој се гледа и меѓу СДСМ и ДУИ. Во Македонија, за жал, пописот одамна не е статистичка операција, туку е политичка операција, особено по Охридскиот рамковен договор, кога Македонија стана држава на проценти, а не држава на граѓани кои што живеат во тука – изјави Николоски на Алфа ТВ.
Според него, таквиот политички договор создава нереални бројки и може да ја однесе цела држава во погрешен правец.