Здруженијата за заштита на животни денеска пред ЈП „Лајка“ одржаа мирен протест со барања за итно разрешување на в.д. директорката на претпријатието, како и прекин на прогонот на активистите и опструирање на нивната волонтерска работа.
Дел од барањата на здруженијата се ЈП Лајка веднаш да се отвори за јавноста секој ден, а не само еден ден во неделата и тоа со закажување и итно да почне со масовни стерилизации и кастрации на бездомни животни.
Исто така, тие бараат во најкус можен рок јавно да се објават сите документи поврзани со работата на ЈП „Лајка“ што, како што наведуваат, е законска обврска.
Да се укинат, велат тие, постојните и да се изработат усогласени со закон обрасци со кои ЈП „Лајка“ воспоставува формално-правни односи со граѓаните.
„Лајка“ не е приватен стационар, туку е јавно претпријатие. Бараме итно да ни дадат информација за кучињата и да ни дозволат да ги видиме, ако се уште се тука“, рече активисти на која не и било дозволено да ги види кучињата за кои претходно се грижела, а кои биле заловени и донесени во стационарот.
