Нема потреба да се воведат рестриктивни мерки по изборите, вели Филипче

Министерот за здравство Венко Филипче демантира дека по изборите на 15 јули ќе се воведат повторно рестриктивни мерки како карантин.

„Рестриктивни мерки се воведуваат тогаш кога ќе се оцени дека има ризик за здравствениот систем. Тоа е единствената дополнителна мерка освен оние кои ги имаме во моментов. Моментот кога треба да се воведе таква мерка го определуваат стручните лица, но нема најава дека е потребна некаква дополнителна мерка. Изборите не се фактор при одлуките за носење мерки“, истакна Филипче.