Доналд Трамп го опиша нападот на американскиот Конгрес на 6 јануари 2021 како многу мал инцидент, бранејќи ја својата одлука за помилување на напаѓачите.
Тој навести дека оние го ставиле низ четири години пекол преку кривично гонење би требало да бидат ставени под истрага, додавајќи дека Џо Бајден згрешил што не се помилувал и себеси.
Во своето прво интервју по враќањето во Белата куќа, Трамп се осврна и на укинувањето на пресудите и отфрлањето на случаите против околу 1.500 луѓе обвинети за обидот да се поништи изборната победа на Бајден. Тој тврдеше дека овие луѓе непотребно претрпеле строги затворски услови и уште еднаш кажа дека изборите во 2020 биле украдени.
„Тие протестираа против гласањето бидејќи знаеја дека изборите се наместени и треба да ви биде дозволено да протестирате против гласањето. Повеќето од луѓето беа апсолутно невини и служеа ужасно долги затворски казни. Знаете за колку луѓе зборуваме? 1.500 луѓе“, рече тој за „Фокс њуз“.