Напад со нож во училиште во Кина – жена убила две лица, а 10 се ранети

Две лица загинаа, а 10 се ранети, во напад со нож во основно училиште во Кина, соопшти тамошната полиција.

Би-би-си наведува дека засега не е познато дали меѓу жртвите има и деца.

Нападот се случил околу пладне по локално време во градот Гуиси.

Полицијата соопшти дека нападот го извршила 45-годишна жена.

– Таа е ставена под контрола – соопштија од полицијата.

Британскиот медиумски сервис наведува дека не е познато зошто цел на нападот било основно училиште во кое учат деца на возраст од 6 до 12 години во Кина.