Напад со дронови на руска територија

Напад од две беспилотни летала предизвика експлозија во зграда во руската Псковска област во близина на границата со Белорусија.

Оштетена е административната зграда на нафтовод, изјави локалниот гувернер Михаил Ведерников.

Ведерников не го впери прстот во Украина, но Москва претходно го обвини Киев за слични инциденти, од кои некои предизвикаа штета на луѓе и имот на стотици километри од границата со Украина.

-Привремено, зградата е оштетена како резултат на напад на две беспилотни летала – рече Ведерников.

Тој рече дека нема жртви и дека на местото на настанот работи оперативна група, која ќе ги донесе конечните заклучоци.