Наместо на судење, обвинет за „Насилство во Центар“ заминал на службен пат во Хрватска

Наместо да дојде во судница како обвинет во случајот „Насилство во Центар“, Александар Трајковски заминал на службен пат во Хрварска. Како што појасни судијата Душко Јосифов, обвинетиот кој е советник во општина Гази Баба доставил оправдување дека градоначалникот го испратил на службен пат.

Обвинителката Фатиме Фетаи побара од судот да се обрати до градоначалникот и да го праша дали присуството на советникот во Хрварска било неопходно и дали тој знаел дека советникот треба да присуствува на закажано судско рочиште.

Судијата само констатираше дека денешното рочиште се одлага, а наредното е закажано за 6 јуни.

Обвинителката Фетаи реагираше и дека ова е најстариот предмет на СЈО, а заостанува зад другите.