Најмалку тројца загинати откако автобус излета во провалија во Истанбул

Најмалку три лица загинаа во автобуска несреќа што се случи денеска во Истанбул, јави турската новинска агенција Анадолија.

Патнички автобус на линијата Черкежка-Ајдин излетал од патот што води кон автопатот Кузеј-Мармара и паднал во провалија длабока 30 метри.

Според првичните информации, во инцидентот се повредени 18 лица кои се згрижени во болниците во Истанбул.

Истрагата е во тек, а сообраќајот на тој дел од патот привремено е во прекин.