Најмалку три лица загинаа во руското бомбардирање на Запорожје

Најмалку три лица загинаа во руското бомбардирање на градот Запорожје на југот на Украина, објавија денес регионалните власти.

Во бомбардирањето се повредени и две лица, од кои едно е во тешка состојба, напиша на Телеграм Иван Федоров, раководител на регионалната администрација на Запорожје.

Во руските напади од синоќа, едно лице е рането во Киев и едно во Суми, според локалните власти.

Руските власти претходно објавија дека три лица се убиени, а 16 се ранети од синоќа на Крим во напад на украински беспилотни летала.