Нашата евровизиска претставничка Тамара Тодевска се закити со уште едно признание од музичката манифестација. Таа е прогласена за најдобар женски артист на Евровизија 2019 од страна на ЕСЦ Радио, и освоила 23,3 проценти од гласовите.

Веднаш зад неа се наоѓа претставничката на Австралија, Кејт, а на третото место е Тамта од Кипар.

Од ЕСЦ Радио ја потврдија информацијата, додавајќе дека ќе стапат во контакт со Тодевска и ќе и биде врачен трофеј за постигнатиот успех.

Покрај неа, како најдобар машки артист на Евросонг 2019 е прогласен Лука Хани од Швајцарија, а Кеиино од Норвешка е најдобрата група според гласовите на слушателите.

Наградата за најдобра песна отиде кај евровизискиот победник, Данкан од Холандија, а во истата категорија Тамара се најде на петтото место.

Вики Клинчарова

Содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.