На штипјанец му ја одзеле возачката дозвола во Грција, па лажел дека ја изгубил за да добие нова

Поради направен сообраќаен прекршок во Грција, 25-годишен штипјанец останал без возачката дозвола. Тој ќе одговара кривично затоа што во обидот да извади нова лажел дека ја изгубил, велат од МВР.

„СВР Штип поднесе кривична пријава против Б.Д.(25) од Штип поради постоење основи на сомнение за сторено кривично дело „давање лажен исказ“. На 14.03.2022 во СВР Штип – Отсек за управни работи, при поднесување на барање за издавање на возачка дозвола, пријавениот изјавил дека возачката дозвола ја има изгубено, а всушност, претходно му била одземена од полициски службеници во Република Грција поради сторен сообраќаен прекршок“, соопштија од полицијата.