429
Првиот работен ден новиот претседател Стево Пендаровски го почна со пораки за граѓанско помирување и залекување на отворените рани од скорешното минато.
-Време е да ги залечиме отворените рани од нашето скорешно минато и реално да го започнеме граѓанското помирување, затоа што немаме резервна татковина која можеме да ја наречеме наш дом. На тој пат сакам да се вложам без остаток, не водејќи сметка за сопствениот политички рејтинг. Сите добронамерни луѓе, политичари и партии што ќе решат да одат по истиот тој пат ќе ја имаат мојата поддршка, порача утрово Пендаровски преку Фејсбук.
На првиот работен ден од претседателскиот мандат, Пендаровски во „Вила Водно“ ќе има средба со шефот на Делегацијата на Европската Унија, Самоел Жбогар.