437
МЗТ Скопје Аеродром вечерва го совлада Работнички со 85-78 (46-54) и по 3-0 во победи во финалната плејоф серија ја освои титулата во домашното кошаркарско првенство.
За „металците“ ова е седма титула во историјата, откако претходните шест ги освои во периодот меѓу 2012 и 2017 година.
Иако на полувреме губеа со осум разлика, избраниците на Ѓорѓи Кочов успеаја да одиграат одлична трета четвртина во СЦ „Јане Сандански“, која ја добија со 22-9, а во последната веќе целосно го скршија отпорот на тимот од „Градски парк“ и заслужено ја освоија титулата.
