МВР за нападот во парк: Се преземаат мерки за расчитување на случајот

Во билтенот на Министерството за внатрешни работи излезе информацијата за нападот врз активистка на Левица што се случил синоќа во Градски парк, додека треаеше прославата за НАТО и ЕУ.

Според МВР непознато машко лице синоќа во 21:10 часот физички ја нападнал В.Џ.(26) од Скопје, која била на прославата во Градскиот парк. Од Левица, пак, тврдат дека две лица учествувале во нападот.

Министерството потоа наведува дека нападот се случил додека В.Џ. била со неколку нејзини пријатели, држејќи платно со порака пред бината.

Случајот В.Џ. синоќа во 23:15 часот го пријавила во полиција. Од таму додаваат дека се преземаат мерки за расчитување на случајот.