Нападната активистика на Левица додека држела анти-НАТО транспарент синоќа на прославата во парк

by fokus 12:28
12:28

Од партијата Левица велат дека нивна активистка била напдната од две лица на вчерашната прослава во Градски парк. Активисти на оваа партија држеа транспарент против НАТО и извикуваа НАТО убијци додека траеше настапот на групата „Архангел“. Во тој момент, велат од таму, се случил нападот, а полициски службеник, додаваат, одбил да состави записник за инцидентот.

„На вечерашната владина прослава во Скопје, по повод наводната покана за членство во НАТО, активистка на Левица беше физички нападната од двајца непознати машки особи, најверојатно членови на една владејачка партија! Таа, заедно со други наши антимилитаристички активисти, држеше транспарент на кој пишуваше: „НАТО = Војни, Крв, Солзи, Смрт“. Но, симптоматично е тоа што најблискиот полицаец од присутните униформирани екипи, кои го обезбедуваа настанот во Градскиот парк, ОДБИ да состави записник за инцидентот, и покрај уредната пријава на девојката!?
По ова, таа – заедно со адвокат – се упатени кон полициската станица „Беко“, каде случајот ќе биде пријавен!

- Advertisements -

p.s. Ова се случува само ден по одлуката на Уставниот суд на РМ во која беше утврдена политичка дискриминација врз наши членови и попречување на слободата на јавно изразување!“, напишаа Левица.

Поврзани новости