МВР му одговори на Ковачки: Косовските полицајци дојдоа да помогнат

Министерството за внатрешни работи се огласи откако пратеникот Драган Ковачки истакна дека полицајци и војник од Косово се влезени во Македонија.

МВР вели дека косовски полицајци влегле во земјава по вчерашната трагедија кога возило од Косово падна во реката Лепенец.

„Вистината е дека по трагедијата, а врз основа на меморандумот за соработка што го имаме со косовската полиција, а со цел поддршка на нашите екипи во потрагата по косовските граѓани, уште вчера пристигна екипа со опрема од косовската полиција и таа постојано работеше со нашите полициски службеници“, велат од МВР.