Муса Џафери ќе го испитува учеството на Талат Џафери во раководството на ДУИ

Муса Џафери кој на Централното претседателство на ДУИ беше избран за претседател на Надзорниот совет на партијата најави дека ќе го испитува учеството на собранискиот спикер, Талат Џафери во претседателството на ДУИ.

-Во оваа појдовна точка прво ќе се консултираме со учеството на претседателот на Собранието во претседателството, од причина што претседателството е извршен орган и дали е тоа во согласност со законот и Уставот, рече Муса Џафери за ТВ21.

Муса Џафери е дел од „Огнената група“ на ДУИ којашто успеа да го симне од функцијата организационен секретар во ДУИ, вицепремиерот Артан Груби.