Му го украле мобилниот на таксистот и му го искршиле задното стакло од возилото

Две машки лица вчера му го украле мобилниот телефон на таксистот кој ги превеезувал од „Рекорд“ до улица „Џон Кенеди“.

Според пријавата, на раскрсницата помеѓу улиците „Џон Кенеди“ и „Лазо Трповски“ откако Д.А. застанал на црвен семафор, едно од лицата се симнало од возилото додека другото го одзело неговиот мобилен телефон.

Возачот се обидел да го спречи во намерата но лицето започнало да му упатува закани, се симнало од возилото и со дрво го скршило задното стакло од возилото. Се преземаат мерки за пронаоѓање на сторителите.