Цените секојдневно растат, и покрај тоа што Владата ги ограничи маржите на одредени производи, сепак имаме чувство дека никој не го контролира она што се случува во маркетите, особено за млечните производи и лебот.
Граѓаните се револтирани, но и беспомошни, кога пазарат се пребројуваат до денар и што попрво да купат, но еве да споредиме какви се цените со една од најпогодените економии од руско-украинскиот конфликт, каде минималната плата е околу 1.811 евра.
Заклучокот е дека намирниците во Германија се поевтини или исти како во земјава.
Маркет во Германија ( фото: редакција Фокус)
Цената на лебот се движи од едно евро до 1.30, значи во просек од 60 до 90 денари, кашкавалот достигнува цена од околу 8 евра, тоа е во просек околу 500 денари, брашното пак чини 69 центи, околу 45 денари за килограм.
Маркет во Скопје ( фото: редакција „Фокус“)
Цената на млекото пак е околу 99 центи, значи помалку од 60 денари, додека пак цената на фета сирење е пониска отколку кај нас и за 250 грама се плаќа 1,99 центи или 120 денари, додека пак кај нас пакување фета сирење од 400 грама е 359 денари.
Маркет во Германија ( фото: редакција Фокус)
Во Германија е поскап можеби само зејтинот, кој достигнува цена и до 3 евра, околу 180 денари.
Маркет во Скопје ( фото: редакција „Фокус“)
Сепак и овие цени на Германците не им одговараат и веќе започнуваат социјалните немири, а дел од граѓаните ја обвинуваат и политиката на Олаф Шолц кој воведе санкции за рускиот гас, а минималната плата изнесува 1.811 евра, за разлика од Македонија каде минималната плата е 300 евра.
Симпатизерите на партијата Алтернатива за Германија организираа протести за енергетската безбедност и заштитата од инфлација, а демонстрантите побараа итна промена на владините политики, кои како што изјавија влијаат на покачување на цените на енергенсите и трошоците за живот.
Соња Танеска