МНР се поплави поради несоодветно поместување на фекалниот колектор

Ископот за нова зграда што се наоѓа веднаш до зградата на МНР се наполнил со фекалии бидејќи компанијата која гради направила несоодветно поместување на фекалниот колектор. Ова е објаснувањео на ЈП „Водовод и канализација“.

Во текот на вчерашниот ден, јавното претпријатие вршеше испумпување на насобраните фекалии во Вардар, поради што мораше да ги блокира улицата „Филип Втори“ и мостот „Слобода“.

Испумпувањето продолжи и денеска, но за разлика од утринава, сега улиците се проодни. ЈП „Водовод и канализација“ најави тужба за изведувачот и ќе бараат оштета за направената штета и за санирањето на истата.