Лидерот на ВМРО-ДПМНЕ Христијан Мицкоски вечерва се обрати од Бутел, порачувајќи дека жалосно е тоа што се случува со проблемот со ѓубрето, поради што сме пред зараза која може да ги зафати скопјани и главниот град.
-Жалам што сето ова се случува и она кое можат да го направат градоначалниците од скопските општини, од редовите на ВМРО-ДПМНЕ и коалицијата го прават заедно со помош и поддршка од страна на градоначалниците од другите општини во Македонија – изјави Мицкоски.
Тој упати апел до надлежните да ги надминат недоразбирањата.
-Упатувам апел надлежните да ги надминат сите оние проблеми кои се случуваат и навистина да им дадат услуга на скопјани онаква каква што заслужуваат, бидејќи на крајот од денот тие за ова издвојуваат од скромниот Буџет, плаќаат за да можат да добијат хигиена онаква барем каква што треба да има еден главен град во 21-век. Апелирам и до Владата да се вклучи да помогне, исто така апелирам и до останатите градоначалници во Скопје кој не се од редот на ВМРО-ДПМНЕ и коалицијата да се вклучат и да се вклучат во чистење на овој смет и да можат да го одложат – порача Мицкоски.