Мицкоски во 12.30 часот ќе се појави пред јавноста, откако го избегна синоќешното соочување

Откако лидерот на ВМРО-ДПМНЕ, Христијан Мицкоски, синоќа не се обрати пред јавноста, од партијата најавија дека обраќање ќе има во 12 часот и 30 минути.

Ова ќе биде прво обраќање на Мицкоски по завршување на гласањето на парламентарните избори. Наместо него, синоќа на партискиот подиум застана генералниот секретар Игор Јанушев. Тој порача дека епилогот од изборите сѐ уште е неизвесен и дека ВМРО-ДПМНЕ влегува во трка за состав на новата влада.