Мицкоски е самобендисан лицемер, велат од СДСМ

Лицемерно е барањето на ВМРО-ДПМНЕ за помалку пратеници во составот на Собранието, тоа е истата партија која со години трошеше пари и организираше избори за дополнителни три пратеници во дијаспората, реагираа од владејачката СДСМ.

„На тој начин, со изборни неправилности, со едвај стотина гласови ВМРО-ДПМНЕ добиваше три пратеници. За своите барања за предвремени избори и укинување на техничката влада Мицкоски не може да се договори ниту во сопствената коалиција, бидејќи Алијанса за Албанците не прифаќа укинување на техничката Влада“, се наведува во партиското соопштение.