Митрополит Гаврил: Пендаровски не се израдува на тргањето на шизмата, туку се фати за името

by Fokus 11:32
11:32

Неговото високопреосвештенство, Ловчанскиот митрополит Гаврил, неодамна преку бугарскиот медиум БНР го коментираше скорешниот предлог на Српската Црква во врска со Охридската Архиепископија која според СПЦ треба да го решава своето име со сите православни цркви.

Во изјавата за БНР Ловчанскиот митрополит се фокусира на изјавата на претседателот на Северна Македонија, Стево Пендаровски.

-На македонскиот претседател не му беше важно со каква радост и љубов го примаме решението за отстранувањето на шизмата, туку тоа што сме напишале нешто кое самата Српска Црква го предлага – да има дијалог за прецизирање на името. Самиот Српски патријарх го напиша тоа и тој не ги нарекува со никакво име. Тоа е вистината. Ништо политичко немаше во нашето решение, вели митрополитот Гаврил.

Ловченскиот митрополит Гавриил пак смета дека сѐ е в ред и дека македонскиот претседател требало да биде восхитен од кревањето на шизмата, пренесува Бугарското национално радио (БНР).

-Денеска ја видов одлуката на БПЦ дека ја признаваат црквата на Северна Македонија. Замислете дека безобразието оди до таму, да последната реченица од тоа кусо соопштение вели дека ќе размислиме околу дефинитивното име. Тие велат дека ја признаваат црквата во Северна Македонија, а за нејзиното име ќе размислиме во следниот период. Кои сте вие да размислувате?“, порача Пендаровски во емисијата „24 анализа“.

Eпископот Бачки Иринеј неодамна во текст објавен на грчкиот портал Ромфеа, а пренесен на црногорскиот медиум „Побједа” истакна дека СПЦ е неправедно обвинета за фаворизирање на името Македонска православна црква, иако не го користи во ниту еден од официјалните документи, туку ја охрабрува сестринската црква во Северна Македонија да го дефинира понатамошно именување и решението на проблемот во дијалог со грчките православни браќа и со останатите цркви.

-Згора на тоа, ние сме тажни секогаш кога нe обвинуваат дека не само што го користиме името Македонска православна црква, туку дури и дека го поттикнуваме, нагласуваме и го наметнуваме. Овие наводи и обвинувања воопшто не се точни, објаснува меѓу другото епископот Бачки во текстот за кој наведува дека е составен по налог и благослов на Светиот синод на СПЦ.

Поврзани новости