Министерство за здравство: Сите 29 припадници на безбедносите сили се во стабилна состојба

Од министерството за здравство конечно излегоа со соопштение колку повредени припадници на безбедносните сили има хоспитализирано на скопските клиники и во каква здравствена состојба се.

Според нивното соопштение, на скопските Хируршки клиники, во моментов се згрижени 20 пациенти и сите се во стабилна здравствена состојба. Од таму тврдат дека во ГОБ „8 Септември“ се згрижени девет припадници на безбедносните сили, сите се во добра здравствена состојба и се очекува во тек на денот, најмалку двајца пациенти да бидат пуштени на домашно лекување.