Милчев: Имаме проблем со проектирање на патишта!

Богдан Милчев од бугарскиот Институт за патна безбедност во интервју за бугарските медиуми опширно говореше за безбедноста на патиштата во Бугарија, по трагичната несреќа во која загинаа 45 државјани од Македонија и седум беа повредени.

Тој наброја неколку проблеми, кои се надева дека надлежните органи во наскоро можно време ќе ги решат, за да не се случуваат вакви катастрофи.

„Јас и моите пријатели повикавме да се формира Државна агенција за патна безбедност. Имаме проблем со проектирање на патиштата. Таму недостасуваат многу работи кои треба да се променат. Организацијата на движењето е голем проблем. Жално е што се случуваат вакви работи“, вели Милчев.