Мијалков како обвинет денеска по прв пат на судење за апсењето на Љубе Бошковски

Поранешниот шеф на УБК, Сашо Мијалков, денеска по прв пат треба да се појави на судење за предметот „Тортура“, кој се однесува на апсењето од 2011 година на Љубе Бошковски, лидер на „Обединети за Македонија“ и поранешен министер за внатрешни работи.

На претходното рочиште Мијалков не се појави затоа што Апелација се уште се намеше произнесено за жалбата на СЈО. Постапувајќи по жалбата на СЈО, Апелацискиот суд го преиначи првостепеното решение и го одобри обвинението против Мијалков.

Во „Тортура” обинети се поранешниот прв човек на единицата „Алфи” Ивица Антевски – Пуки и уште петмина припадници на единицата.

Специјалното јавно обвинителство ги гони за мачење и друго сурово, нечовечко или понижувачко постапување и казнување.